ფქვილის მწარმოებელთა ასოციაციის აღმასრულებელი დირექტორის, ლევან სილაგავას თქმით, ლარის გაუფასურების გამო პურისა და პურპროდუქტების ფასმა, შესაძლოა, მოიმატოს. ინფორმაციას საზოგადოებრივი მაუწყებელი ავრცელებს. 31 ივლისის გაცვლითი კურსით, 1 დოლარის ფასი 2,95 ლარია.

სილაგავას ვარაუდით, ერთი ტომარა ფქვილი ორი ლარით გაძვირდება.

"ფასები, რომლებიც დღეს არის წისქვილკომბინატებში, 49-50 ლარის ფარგლებში ერთ ტომარა ფქვილზე, დაგეგმილია დაახლოებით 2,75-იან კურსზე, დღეს კი კურსი 3 ლარია. შესაბამისად, რადგან იმპორტირებული გვაქვს ნედლეული — ხორბალი, ეს აისახება ყველაფერზე", — ამბობ სილაგავა.

კონკურენციის სააგენტო 7 თვეზე მეტია სწავლობს, რის გამო გაძვირდა პური 2018 წლის დეკემბერში.