ამერიკელი თინეიჯერი კომპიუტერული თამაშის, Fortnite-ის მსოფლიო ჩემპიონი გახდა და ამასთან ერთად, მან რეკორდული თანხა, $3 მლნ მოიგო. კიბერ-სპორტის ისტორიაში ეს პირველი უდიდესი ფულადი ჯილდოა. საპრიზო ფონდი, ჯამში, $30 მილიონს აღწევდა და ის რამდენიმე გამარჯვებულს შორის განაწილდა.

ჩემპიონატი, რომელშიც 16 წლის კაილ გირსდორფმა გაიმარჯვა, ნიუ-იორკში, არტულ აშის სტადიონზე გაიმართა.

ფოტო: EPIC GAMES

მეორე ადგილზე გავიდა ბრიტანელი თინეიჯერი, ჯადენ აშმენი. 15 წლის მოთამაშემ მილიონ დოლარზე მეტი მოიგო. მესამე ადგილის მფლობელიც 14 წლის ბრიტანელი მოთამაშე გახდა.

როგორც გირსდორფმა BBC-ის უთხრა, ფულადი ჯილდოს დიდი ნაწილის შენახვას აპირებს, თუმცა, ჯერ ახალი მაგიდა აქვს საყიდელი, მათ შორის ერთი — პრიზისთვის.

ელექტრონული სპორტის ინდუსტრიის შემოსავალი 2019 წელს სავარაუდოდ მილიარდ დოლარამდე გაიზრდება.

ჩემპიონატის შესარჩევ ონლაინ-კონკურსში 10 კვირის განმავლობაში 40 მილიონი მოთამაშე მონაწილეობდა. საბოლოოდ მოთამაშეები 30 ქვეყნიდან შეირჩნენ, მათ შორის 70 ამერიკიდან, 14 — საფრანგეთიდან და 11 — დიდი ბრიტანეთიდან. მოთამაშეებს შეეძლოთ ეასპარეზათ როგორც 4-კაციან გუნდთან ერთად, ისევე — მარტოც.

ფოტო: Getty Images

2019 წლის აპრილში, სასექსის ჰერცოგმა, ჰარიმ თქვა, რომ თამაში მიჯაჭვულობის ჩამოყალიბებას უწყობდა ხელს და უნდა აკრძალულიყო.

ამავე თემაზე: