შინაგან საქმეთა სამინისტრო არ გასცემს საჯარო ინფორმაციას, რამდენი რეზინის ტყვია და ცრემლსადენი გაზი გამოიყენა 20 ივნისის ღამეს აქციის მონაწილეების დასაშლელად. ამ ინფორმაციის მოთხოვნით On.ge-მ 3 ივლისს მიმართა, თუმცა 21 დღის გასვლის მიუხედავად პასუხი უცნობია.

საქართველოს ზოგადი ადმინისტრაციული კოდექსით, შინაგან საქმეთა სამინისტროს ინფორმაცია დაუყოვნებლივ და არაუგვიანეს 10 დღეში უნდა გაეცა.

20-21 ივნისის ღამეს პარლამენტის მიმდებარე ტერიტორიაზე აქციის დაშლის დროს რამდენიმე ათეული ადამიანი დაშავდა, მათ შორის ორმა თვალი დაკარგა. აქციის დაშლის დროს გამოიყენეს რამდენიმე რეზინის ტყვია და ცრემლსადენი აირი.

ამავე თემაზე: რა მოხდა 20 ივნისს თბილისში — მოკლედ