თურქეთში 12801 სამართალდამცავ პირს ფეტულა გიულენთან შესაძლო კავშირის გამო უფლება-მოსილება შეუჩერეს, ქვეყანაში გამოცხადებული სამთვიანი საგანგებო მდგომარეობა კი კიდევ 3 თვით გაზარდეს. ინფორმაციას ამის შესახებ Reuters ავრცელებს.

გამოცემის ცნობით, აღნიშნული გადაწყვეტილება ხელისუფლებამ მას შემდეგ მიიღო, რაც ადგილობრივმა შინაგან საქმეთა სამინისტრომ პოლიციაში გამოძიება დაიწყო. საგანგებო მდგომარეობის ვადის გახანგრძლივებასთან დაკავშირებით თურქეთის ხელისუფლებამ საუბარი არაერთხელ დაიყწო.

15 ივლისს თურქეთში, ხელისუფლების დამხობის მიზნით, ქვეყნის რამდენიმე ლოკაციაზე შეიარაღებული დაჯგუფების თავდასხმას 300-მდე ადამიანის სიცოცხლე ემსხვერპლა, აჯანყებასთან კავშირის ბრალდებით თანამდებობიდან გადააყენეს და დააკავეს ათასობით მოსამართლე, მაღალი თანამდებობაზე მყოფი სამხედროები, პოლიციელები და სამოქალაქო პირები. გარდა ამისა, დახურულია ასობით მედიასაშუალება, დაკავებულები არიან ჟურნალისტები.

თურქეთში მომხდარი ამბოხის გამომწვევი მიზეზების, მისი ორგანიზატორებისა და მომხდარის შესახებ დეტალურ ინფორმაციას შეგიძლიათ გაეცნოთ აქ: