მოცეკვავე თეა დარჩია თავის მოსწავლეებთან ერთად გადაღებულ ვიდეოს აქვეყნებს. დარჩია ბავშვებთან ერთად თვალზეხელაფარებული ნიაზ დიასამიძის სიმღერაზე ცეკვავს. ვიდეო თეა დარჩიას ცეკვის სახელოსნოშია გადაღებული.

"ამით ბავშვებს ვუნერგავ საქართველოს სიყვარულს, რომ არ უნდა შეეგუონ ოკუპაციას!!! ძალადობას!!! უსამართლობასა და მონობას!!!" — აღნიშნა დარჩიამ.

თვალზე ხელის აფარება 20-21 ივნისს თბილისში განვითარებული მოვლენების სიმბოლოა. აქციის დაშლის დროს ორმა ადამიანმა თვალი დაკარგა. ანტისაოკუპაციო აქცია #სირცხვილია რუსთაველის გამზირზე დღემდე გრძელდება. აქციის ერთადერთი მოთხოვნა შს მინისტრის პოსტიდან გიორგი გახარიას გადადგომაა.