CNN-ის ცნობით, ნეპალსა და სამხრეთ აზიაში წყალდიდობას სულ მცირე 88 ადამიანი ემსხვერპლა, ათასობით მათგანი კი დაკარგულად ითვლება. მხოლოდ ნეპალში სულ 64 ადამიანი გარდაიცვალა, ხოლო 31 დაკარგულია. 2 500-ზე მეტი ადამიანი მაშველებმა სიკვდილს გადაარჩინეს.

გადაუღებელმა წვიმებმა ქვეყნის მაღალმთიან რეგიონებში რამდენიმე მეწყერიც გამოიწვია. მოვარდნილმა წყალმა გაანადგურა საავტომობილო გზები და ხიდები. დატბორილია 200-ზე მეტი დასახლება და ასობით ჰექტარი სახნავ-სათესი მიწა.

წყალდიდობას მსხვერპლი ინდოეთშიც მოჰყვა. ადგილობრივი ხელისუფლების ინფორმაციით, წყალდიდობას სულ მცირე 14 ადამიანი ემსხვერპლა. მილიონზე მეტ ადგილობრივს კი საცხოვრებელი სახლების დატოვება მოუხდა.

შედეგად, უამინდობამ და წყალდიდობამ 19 მილიონზე მეტი ადამიანი და 12 დასახლება დააზარალა.

ნეპალი, 12 ივლისი, 2019 წელი

კატმანდუ, 12 ივლისი, 2019 წელი

ფოტო: AP

ნეპალი, 12 ივლისი, 2019 წელი

ფოტო: Reuters

ინდოეთი, 13 ივლისი, 2019 წელი

ფოტო: GETTY IMAGES