უკრაინის პრეზიდენტ ვოლოდიმირ ზელენსკისა და რუსეთის პრეზიდენტ ვლადიმერ პუტინს შორის პირველი სატელეფონო საუბარი შედგა. ეს პირველი საუბარია მას შემდეგ, რაც ზელენსკი გაპრეზიდენტდა.

როგორც კრემლის პრესამსახურში აცხადებენ, საუბარი უკრაინის მხარის ინიციატივით მოეწყო. განცხადებაშია აღნიშნული, პრეზიდენტმა უკრაინის სამხრეთ-აღმოსავლეთში სიტუაციის დარეგულირებასა და ორივე მხარის მიერ დაკავებული პირების დაბრუნებაზე ისაუბრეს.

პირველ სატელეფონო საუბრამდე ვოლოდიმირ ზელენსკიმ ვლადიმერ პუტინს მოლაპარაკებების ახალი ფორმატი შესთავაზა, რომელშიც მსოფლიოს ლიდერებიც იქნებიან ჩართული.

"მინდა მივმართო რუსეთის პრეზიდენტ, ვლადიმერ პუტინს. უნდა ვისაუბროთ? უნდა ვისაუბროთ. მოდით, განვიხილოთ ვისია ყირიმი და ვინ არ არის დონბასში. საუბრისთვის შემდეგ კომპანიას გთავაზობთ" მე, თქვენ, აშშ-ს პრეზიდენტი, დიდი ბრიტანეთის პრემიერ-მინისტრი ტერეზა მეი, გერმანიის კანცლერი ანგელა მერკელი, საფრანგეთის პრეზიდენტი ემანუელ მაკრონი. ადგილი? მგონია, რომ ალექსანდრ ლუკაშენკო სიამოვნებით მიგვიღებს მინსკში. ჩვენ არ ვცვლით და არ ვამბობთ უარს დიპლომატიურ ფორმატებზე. ჩვენ საუბარს გთავაზობთ, ეს ხომ ნამდვილად გვჭირდება, არა?", — თქვა ზელენსკიმ. კრემლში აღნიშნეს, რომ უკრაინის პრეზიდენტის შემოთავაზებას განიხილავენ.