რუსეთის დუმის დეპუტატი ალექსეი პუშკოვი მიიჩნევს, რომ "რუსოფობიური განცხადებების გამო" მომღერალ ნინო ქათამაძეს რუსეთში შესვლა უნდა აეკრძალოს. ამის შესახებ მან ფედერალური საბჭოს სხდომაზე განაცხადა.

"ჩემი აზრით, ქათამაძის განცხადებები, რომელიც ამტკიცებს, რომ ვერ იტანს რუსეთს, მაგრამ აქ კონცერტზე ჩამოდის და ფულს იღებს, არის ამორალური და ცინიკური. ამასთან დაკავშირებით გთავაზობთ, რომ ქათამაძის მიმართ რუსეთში შესვლის შემაკავებელი ზომები გამოვიყენოთ. ამავე დროს, საზოგადოებრივი მდგომარეობის მოუხედავად ასე მოვექცეთ მათ, ვინც რუსოფობიური განცხადებებით გამოვლენ", — განაცხადა ალექსეი პუშკოვმა.

ქართველმა მომღერალმა, ნინო ქათამაძემ 22 ივნისს რუსეთში ფესტივალ Усадьба Jazz-ზე იმღერა. კონცერტი გაიმართა მაშინ, როცა თბილისში ანტისაოკუპაციო საპროტესტო აქცია იმართებოდა.

ამის შემდეგ მომღერალმა ფეისბუქზე ბოდიში მოიხადა და თქვა, რომ რუსეთში გამოსვლაზე უარს ამბობს. გარდა ამისა, მომღერალი ანტისაოკუპაცია აქცია #სირცხვილიაზე მივიდა და მხარდაჭერა გამოუცხადა.