პარლამენტთან ჰომოფობიური აქციის მონაწილეების გარდა #სირცხვილია-ს ორგანიატორებიც იკრიბებიან. ისინი სცენის მიღმა დაპირისპირების ფონზე შევიდნენ. აქციის მონაწილეებისგან მათ პოლიციის კორდონი ყოფს.

აქციის ორგანიზატორმა, ლექსო მაჭავარიანმა მიმართა პოლიციელება და შეახსენა, რომ მათი აქცია სანქცირებულია და დღეს შეკრების უფლება აქვთ. მათ საუბარში ჩაერთო ჰომოფობიური აქციის მონაწილე ალექსანდრე ფალავადიშვილი, რომელმაც განაცხადა, რომ დღეს აქცია #სირცხვილია-ს გამართვა პროვოკაციას გამოიწვევდა.

"დაპირისპირება გინდათ და გამოიწვევთ კიდეც", — იმეორებდა ფალავანდიშვილი პოლიცია კი მას აწყნარებდა და ეუბნებოდა, რომ არავინ უზღუდავდა აზრის გამოხატვას.

აქციის ორგანიზატორები ამ დრომდე ცდილობენ პოლიციას შეუთანხმონ აქციის გამართვის პირობები, თუმცა რუსთაველზე აქცია მაინც გრძელდება. მათი თქმით, არ დაუშვებენ აქციის აცატარებას.

დღეს, 8 ივლისს #სირცხვილია-ს მე-19 დღეს პარლამენტთან ჰომოფობიური ჯგუფის წარმომადგენელები შეიკრიბნენ და აქციის გამართვა დაიწყეს.