უკრაინის საბავშვო Voice-ის გამარჯვებული 12 წლის ქართველი მომღერალი ალექსანდრე ზაზარაშვილი გახდა. მან ფინალში სხვა სიმღერებთან ერთად ერიკ კარმენის სიმღერა All By Myself შეასრულა.

ამ სიმღერამ მოუტანა ალექსანდრეს წარმატება უკრაინის საბავშვო ხმის შესარჩევ ტურშიც. პატარა ხელოვანის შესრულებისას ჟიურის სამივე წევრი შემობრუნდა.

All By Myself ერიკ კარმენის სიმღერაა, რომელშიც მელოდია რახმანინოვის საკონცერტო ნაწარმოებიდანაა გამოყენებული. მას ასრულებს ამერიკელი მუსიკოსი სელინ დიონიც.

ალექსანდრე ზაზარაშვილი 12 წლის მომღერალია, სოფელ რუისიდან. მას საზოგადოება რუსთავი 2-ის გადაცემა ნიჭიერიდან იცნობს. ის პროექტში 2016 წელს მონაწილეობდა. უკრაინის საბავშვო ხმის გამარჯვებული შესული ზარების რაოდენობით დასახელდა.