რუსეთის თავდაცვის მინისტრმა, სერგეი შოიგუმ აღიარა, რომ წყალქვეშა აპარატში, რომელზეც ავარია მოხდა, ბირთვული რეაქტორითაა აღჭურვილი. ამ აპარატზე პირველ ივლისს ცეცხლი გაჩნდა, რის შედეგადაც 14 მეზღვაური გარდაიცვალა. შოიგუს თქმით, რეაქტორი უსაფრთხოდაა.

"ინციდენტის ძირითადი მიზეზი დადგენილია — აკუმულატორის ნაწილში ხანძარი გაჩნდა, რომელიც შემდგომში გავრცელდა", — განაცხადა თავდაცვის მინისტრმა პრეზიდენტ ვლადიმერ პუტინთან შეხვედრისას. ამასთანავე, შოიგუ აღნიშნავს, რომ ბირთვული რეაქტორი სამუშაო მდგომარეობაში.

ჯერჯერობით უცნობია კონკრეტულად რომელ აპარატზე მოხდა ავარია. ხანძრის ჩაქრობა მეზღვაურებმა თვითონვე შეძლეს და მომწამვლის შედეგად გარდაიცვალნენ. შოიგუს თქმით, დაღუპული მეზღვაურების არასრულწლოვანი ოჯახის წევრები სრულწლოვანებამდე კომპენსაციას მიიღებენ.