თბილისის მათავარ გამზირზე უკვე 12-ე დღეა მასშტაბური საპროტესტო აქცია #სირცხვილია მიმდინარეობს, რომელიც 20 ივნისის შემდეგ, ყოველ მომდევნო დღეს 19:00 საათზე იწყება.

როგორც ამას აქციის მონაწილეები ამბობენ ისინი არ დაიღლებიან "საქართველოს სამსახურში" სიარულით, მანამ, სანამ მათი სამი მთავარი მოთხოვნა არ დაკმაყოფილდება — 20 ივნისს დაკავებული აქტივისტების გათავისუფლება, რომელიც უკვე დაკმაყოფილდა, პროპორციული საარჩევნო სისტემა, რომელიც ასევე დაკმაყოფილდა და მესამე, შინაგან საქმეთა მინისტრის გადადგომა, რომლის არ შესრულების გამოც, აქციები დღემდე არ წყდება.

ბოლო დროს თბილისში განვითარებულ მოვლენებს კი უამრავი ჟურნალისტი და ფოტოგრაფი აშუქებს, რომლებმაც მოახერხეს და გამორჩეულად საინტერესო და ემოციური პოსტერებით "შეიარაღებული" აქციის მონაწილეები კადრზე აღბეჭდეს.

ნახეთ 20 ყველაზე ორიგინალური პოსტერი აქციიდან #სირცხვილია:

"დღეს ჩემი დღის დაბადების დღეა და აქ იმიტომ ვდგავარ, რომ ვაჩუქო მშვიდობა და თავისუფლება! გილოცავ ელენე!"

ფოტო: ლევან ძნელაძე / On.ge

"Big bidzina is Watching You"

ფოტო: ლევან ძნელაძე / On.ge

"წავიყვან ამათ მოსკოვში და მოვალ"

"ნუ მაბრმავებ!"

ფოტო: Irma Sharikadze

"გახარია არ ამაყენო!"

ფოტო: ბექა კოკაია

"ვდგავარ საქართველოს სამსახურში"

ფოტო: თორნიკე ზიზიაშვილი

"WE ARE ANGRY"

ფოტო: სალომე ჩიკვილაძე / On.ge

"ნუ გვესვრი! ჩვენც თქვენი შვილები ვართ!"

ფოტო: გვანცა ნემსაძე / On.ge

"ჩამიკარი თვალი გიუშ"

ფოტო: გვანცა ნემსაძე / On.ge

"ოკუპაცია ცალი თვალითაც ჩანს"

ფოტო: თამუნა გეგიძე / On.ge

"დავიღლებით არა პუტინი"

ფოტო: Vakho Kareli

"Russia is an OCCUPIER"

ფოტო: Giorgi Ebanoidze Photography

"დათვის ტყვია ჩრდილოეთის დათვს! თავისუფლება ქართველ ხალხს!"

"Putin გამოექანე კრემლიდან!"

ფოტო: Jaba Gogatishvili

"ჩემი ხატია სამშობლო, არ გაქვთ უფლება ის შეურაცხყოთ!!!"

"ავსა და კარგსა კაცისას, როდი ივიწყებს სოფელი"

ფოტო: გვანცა ნემსაძე / On.ge

"ვაი ჩემი საფეიქრო, ვაი ჩემი მასრა-მაქო, მე იმ კაცის დედა ... , ვინც პირველად რუსი აქო"

ფოტო: გვანცა ნემსაძე / On.ge

"ბიძო, 10-ზე შენი ნებით იძინებ თუ პუტინი მამიკომ დანიშნა წიხი ჩასი"

ფოტო: გვანცა ნემსაძე / On.ge

"გახარია ბოდიში, ... ლოგინში"

ფოტო: გვანცა ნემსაძე / On.ge

"არა ოკუპაციას"

ფოტო: Jaba Gogatishvili

20 ივნისის აქცია

რუსი დეპუტატის, სერგეი გავრილოვის მიერ სკამის დაკავებას საპროტესტო ტალღა მოჰყვა პარლამენტის წინ. მოქალაქეებმა ანტისაოკუპაციო აქციები მოაწყეს. დღის ბოლოს კი პარლამენტის წინ შეიკრიბნენ. ოპოზიციის წევრები ითხოვდნენ ირაკლი კობახიძის, ვახტანგ გომელაურისა და გიორგი გახარიას გადადგომას.

აქციის მონაწილეების ნაწილმა პარლამენტში შესვლა სცადა და ცენტრალურ გამზირზე მობილიზებულმა სპეცრაზმმა მათი დაშლა დაიწყო. სამართალდამცავებმა მოქალაქეების წინააღმდეგ რეზინის ტყვიები, ცრემლსადენი გაზი და წყლის ჭავლი გამოიყენეს. აქციის დაშლის დროს კლინიკებში 240 მოქალაქე გადაიყვანეს, რომელთაგან 80 სამართალდამცავი იყო. დაშავებულებიდან 2-მა თვალი დაკარგა, მათ შორის 18 წლის გოგომ. დაზიანებები მიიღეს 30-ზე მეტმა ჟურნალისტმა, მათ შორის იყვნენ On.ge-ს სამი თანამშრომელი.

შინაგან საქმეთა სამინისტრომ სხვადასხვა სამართალდარღვევისთვის ჯამში 305 ადამიანი დააკავა. საქმეზე გამოძიება სისხლის სამართლის კოდექსის 225-ე მუხლით, რაც ჯგუფური ძალადობის ორგანიზებას, ხელმძღვანელობას ან მასში მონაწილეობას გულისხმობს.