თეთრი სახლის ინფორმაციით, ამერიკის პრეზიდენტს ბარაკ ობამასა და გერმანიის კანცლერ ანგელა მერკელს შორის სატელეფონო საუბარი შედგა. ლიდერებმა რუსეთისა და სირიის მთავრობის მიერ ალეპოს საჰაერო დაბომბვას ბარბაროსობა უწოდეს.

სირიის მთავრობა და მისი მოკავშირე რუსეთი "პასუხისმგებლები არიან სირიაში ბრძოლის დასრულებაზე".

ლიდერები შეთანხმდნენ, რომ შეტევა ალეპოს აღმოსავლეთ ნაწილში, სადაც ასი ათასობით ადამიანი ცხოვრობს და მათი ნახევარი ბავშვია, უნდა შეწყდეს.

პან გი მუნმა ოთხშაბათს რუსეთის მხრიდან ალეპოში ორი საავადმყოფოს დაბომბვა სამხედრო დანაშაულად შეაფასა.

გუშინ სირიაში განხორციელებულ საჰაერო შეტევას უკანასკნელი ცნობებით 11 მოქალაქე ემსხვერპლა, მათგან 7 ბავშვია.