ნაციონალური მოძრაობის დეპუტატი ნიკა მელია, რომელიც სასამართლომ 30 ათასლარიანი გირაოს სანაცვლო გაათავისუფლა ამბობს, რომ მისი გათავისუფლება მოსამართლე პირდაპირ დაავალეს.

"ბიძინა ივანიშვილი შიშმა აიყოლია, რადგან ძალიან არასწორ პოზიციაზე იდგა ყოველგვარი მტკიცებულების გარეშე და საზოგადოებამ ეს პირდაპირ ეთერში დაინახა და თავისი პოზიცია დააფიქსირა. ეს არ დარჩა შეუმჩნეველი ქართული ოცნებისთვის. მჯერა, რომ საერთაშორისო პარტნიორებმაც სწორი პოზიცია დაიკავეს. დაურეკეს ბატონ გოგოხიას, ჩინჩალაძის მეგობარს და უთხრეს, რომ მელია არ უნდა დაიჭიროთ", — განაცხადა მელიამ სასამართლო დარბაზის დატოვების შემდეგ.

მისივე თქმით, იმ განვითრებული მოვლენების შემდეგ, რაც პარლამენტში მოხდა მისი დაჭერა უფრო უმტკივნეული იქნებოდა, ვიდრე გათავისუფლება.

"მე თუ დამნაშავე ვარ? თუ ძალადობრივი მოწოდებები გავაკეთე და საკმარისი მტკიცებულებები წარადგინა გუშინ პროკურატურამ და იმუნიტეტი მომიხსნეს, დღეს აქ რა მოხდა? ახლა არ გამოვიდეს ვინმე და არ თქვას, რომ წინა ხელისუფლების ნარჩენები არიან ჩარჩენილები", — აღნიშნა მელიამ.