მთაწმინდის ოლქში გამარჯვებული ქართული ოცნების კანდიდატი საქართველოს პარლამენტში, დღეს, 27 ივნისს პირველად მივიდა. საქართველოს პლენარულ სხდომაზე ცნობად მიიღეს პარლამენტის წევრის უფლებამოსილების საკითხი.

მთაწმინდის უბანში რიგგარეშე არჩევნების მეორე ტურში სახელისუფლებო კანდიდატმა, ლადო კახაძემ გაიმარჯვა. 31 უბნის მონაცემებით, კახაძემ 10 738 ხმა (61,83%) მიიღო. მისმა კონკურენტმა ევროპული საქართველოსა და თავისუფალი დემოკრატების კანდიდატმა, შალვა შავგულიძემ კი 6 630 ხმა (38,17%).

პირველ ტურში ქართული ოცნების კანდიდატმა, ვლადიმერ კახაძემ ხმების 41 პროცენტი (6 036 ხმა) მიიღო, მისმა კონკურენტმა თავისუფალი დემოკრატებისა და ევროპული საქართველოს საერთო კანდიდატმა, შალვა შავგულიძემ — 36,83% (5 422 ხმა).