საქართველოს პარლამენტის უკანა შესასვლელთან ნაციონალური მოძრაობის წევრის, ნიკა მელიას მხარდამჭერები არიან შეკრებილი. მხარდამჭერები დილიდან ელოდნენ რა გადაწყვეტილებას მიიღებდა პარლამენტი მელიასთვის დეპუტატის მანდატის შეჩერებით პროკურატურისთვის დაკავების უფლების მიცემაზე.

"რუსებმა საკუთარი ხელით დაგვაჭერინეს ჩვენი დეპუტატი", — თქვა ერთ-ერთმა მხარდამჭერმა მას შემდეგ, რაც გაიგო, რომ მელიას იმუნიტეტი შეუჩერეს.

ნიკა მელიასთვის პროკურატურა ბრალის წაყენებას 20 ივნისის ღამეს მომხდარი ინციდენტის ფარგლებში, ჯგუფური ძალადობის ორგანიზების ბრალდებით, აპირებს. ამ დღეს რუსი დეპუტატი პარლამენტის შენობაში პარლამენტის თავმჯდომარის სავარძელზე დაჯდა, რაც რამდენიმე ათასმა ადამიანმა რუსთაველის გამზირზე გააპროტესტა. ამავე დღეს, გვიან ღამით შინაგან საქმეთა სამინისტრომ აქციის მონაწილეების დაშლა დაიწყო და დააზიანა რამდენიმე ათეული ადამიანი, რომელთაგანაც ორმა სპეცრაზმელის ნასროლი ტყვიით თვალი დაკარგა.

ამავე თემაზე: