ევროპული საქართველოს დეპუტატმა გიორგი ღვინიაშვილმა საპროცედურო საკითხთა კომიტეტზე სიტყვით გამოსვლისას დამსწრე პროკურორს მიმართა, რომ უნდა წარადგინონ კონკრეტული მტკიცებულებები ნიკა მელიას წინააღმდეგ.

კომიტეტზე დღეს, 26 ივნისს, პროკურატურის თხოვნის საფუძველზე, ნიკა მელიასთვის იმუნიტეტის შეჩერების საკითხს განიხილავენ. ღვინიაშვილის თქმით, პროკურატურის მხრიდან, ეს ჩვეულებრივი ამბის მოტანას ჰყავს, რომ "გინდათ ნიკა მელიას დაჭერა".

"ბატონო ანრი, რომ ლაპარაკობთ, ჩვენ აქ მტკიცებულებებში ვერ შევალთო, აბა რა გინდათ? იქნებ რას წერენ? ჩაგეწერათ, რომ მელია რაღაც გვირაბს თხრიდა, ლონდონიდან ბომბეიმდე, ან თბილისის აოხრების დროს აღა მაჰმად ხანის მოკავშირე იყო. უმრავლესობის წევრებს ვეკითხები, თუ ღილაკს ხელი უნდა დააჭიროთ, არ გაინტერესებთ რის საფუძველზე იჭერთ ადამიანს?", — თქვა გიორგი ღვინიაშვილმა.

20 ივნისის აქციაზე ძალადობრივი ჯგუფის ხელმძღვანელობისა და მასში მონაწილეობის ბრალდებასთან დაკავშირებით გუშინ, 25 ივნისს პროკურატურაში ბრიფინგი გაიმართა. უწყებაში ნაციონალური მოძრაობის ლიდერის, ნიკა მელიას წინააღმდეგ მიმდინარე საქმეზე ისაუბრეს. პროკურორის თქმით, მათ მიმართეს პარლამენტს, რათა მიიღონ ნებართვა დეპუტატის დაკავებაზე. მელიას იმუნიტეტი იცავს და მის დასაკავებლად პარლამენტის თანხმობაა საჭირო.

გაიგეთ მეტი: