ნაციონალური მოძრაობა წინასაარჩევნო აქციას 5 ოქტომბერს 16:00 საათზე ვარდების მოედანზე გამართავს.

ნაციონალური მოძრაობის ერთ-ერთი ლიდერის ნიკა მელიას თქმით, ისინი მერიას შესაბამისი მოთხოვნით დღეს მიმართავენ.

"ეს იქნება მრავალ ათი ათასიანი აქცია, რომელიც მოიცავს, ვარდების მოედანს, რუსთაველის გამზირს, თავისუფლების მოედნის ჩათვლით. აქ შეიკრიბება ყველა რეგიონიდან ჩვენი მხარდამჭერები. უკანასკნელი წლების განმავლობაში მსგავსი ხალხმრავალი შეკრება არ გამართულა".

პრემიერ გიორგი კვირიკაშვილის განცხადებით, ქართული ოცნება აქციას 8 ოქტომბერს, საარჩევნო პროცესის დასრულების შემდეგ გეგმავს.