ხუთ საათზე მეტია თბილისში, პარლამენტის შენობის მიმდებარე ტერიტორიაზე აქცია გაგრძელდა. აქციას რამდენიმე ათასი ადამიანი ესწრება. თბილისის მერიას კი ამ დრომდე არ მიუტანია ბიოტუალეტები.

თბილისის მერიის პრესსამსახურის პასუხიდან ირკვევა, რომ უწყება ტუალეტების მისატანად აქციის ორგანიზატორების მოთხოვნას ელოდებოდა:

"აქციის ორგანიზატორების მხრიდან შეტყობინების შემთხვევაში, მონაწილეთა რაოდენობისა და ხანგრძლივობის გათვალისწინებით, მუნიციპალიტეტი განსაზღვრავს ბიოტუალეტების რაოდენობასა და განთავსების ადგილებს".

თბილისის მერიის ინფორმაციით, იმის მიუხედავად, რომ მოთხოვნა არ ყოფილა, დაახლოებით 20 ტუალეტს მაინც მიიტანენ. უწყების პასუხში მიტანის სავარაუდო დრო დაკონკრეტებული არ არის.