აქციის ცრემლსადენი გაზითა და რეზინის ტყვიებით დაშლის შემდეგ შინაგან საქმეთა სამინისტრო აცხადებს, რომ პროტესტი გასცდა გამოხატვის თავისუფლების და მშვიდობიანი შეკრების კანონით დადგენილ ფარგლებს და მიიღო ძალადობრივი ხასიათი. მათი თქმით, პარლამენტის შენობაში შეჭრის, მოქალაქეთა და პოლიციელთა ჯანმრთელობის დაზიანების და ფიზიკური დაპირისპირების თავიდან ასაცილებლად გამოიყენეს "კანონით გათვალისწინებული იძულების პროპორციული სპეციალური საშუალებები".

უწყებაში ამბობენ, რომ მიუხედავად მოწოდებისა, აქციის მონაწილეები განაგრძობდნენ პარლამენტში შეჭრის მცდელობას, პოლიციის მიმართ წინააღმდეგობას, ძალადობას და მათი კანონიერი მოთხოვნისადმი დაუმორჩილებლობას. შსს-ში ამბობენ, რომ შესაბამის სამართლებრივ შეფასებას მისცემენ მასობრივი არეულობის მოწყობისა და პარალამენტის შენობაში შეჭრის მცდელობას.

სპეცრაზმი აქციას ამ დრომდე არბევს ცრემლსადენი გაზითა და რეზინის ტყვიებით. პარლამენტთან რამდენიმე ადამიანი დაშავდა.