რუსთავი 2-ის ინფორმაციით, საპარლამენტო უმრავლესობის წევრი და მართლმადიდებლობის საპარლამენტთაშორისო ასამბლეის მასპინძელი, ზაქარია ქუცნაშვილი რადისონში იმყოფება. მათი ცნობით, ქუცნაშვილი სასტუმროში რუს დეპუტატებთან შესახვედრად იმყოფება.

დღეს, 20 ივნისს მართლმადიდებლობის საპარლამენტთაშორისო ასამბლეის წევრი და რუსი დეპუტატი, სერგეი გავრილოვი პარლამენტში, ირაკლი კობახიძის სავარძელზე დაჯდა. ეს ფაქტი გააპროტესტა ვიცე-სპიკერმა თამარ ჩუგოშვილმა და პრეზიდენტმა სალომე ზურაბიშვილმა. თავდაპირველად, უმრავლესობის წევრმა, ზაქარია ქუცნაშვილმა თქვა, რომ "სადღაც რუსს რომ დავინახავთ, არ უნდა გავნადგურდეთ", მოგვიანებით კი განმარტა, რომ "თუ საჭიროა, პოლიტიკურ პასუხისმგებლობას აიღებს". პროტესტის შემდეგ კონფერენცია შეწყდა. კონფერენციის წევრები ამ დროისთვის სასტუმრო რადისონში იმყოფებიან.