ფრაქცია ქართული ოცნების თავმჯდომარე, მამუკა მდინარაძე ამბობს, რომ პარლამენტის სავარძელში სერგეი გავრილოვის დაჯდომა გუნდთან და პარლამენტთან შეთანხმებული არ იყო. როგორც მდინარაძე განმარტავს, პროტოკოლის მიხედვით სხდომა უნდა წაეყვანა ბერძენ დეპუტატს, ასამბლეის გენერალურ მდივანს.

"სერგეი გავრილოვი აღმოჩნდა თავმჯდომარის სკამზე და მან გაბედა, წაიყვანა საქართველოს პარლამენტში თავმჯდომარისა და საპარლამენტო გუნდის პოზიციისგან შეუთანხმებლად. ეს ასამბლეის სხდომა ვეღარ გაგრძელდება", — განაცხადა მდინარაძემ.

მისი თქმით, მათთვის მიუღებელი ადამიანები შემოვიდნენ ქვეყანაში, რადგან საერთაშორისო ფორმატს ვერ დაარღვევდნენ და მათ არ ჰქონდათ ოკუპაციის შესახებ კანონი დარღვეული. გარდა ამისა, ის ამბობს, რომ ორგანიზატორებს, რომლებმაც დაუშვეს, გავრილოვი დამჯდარიყო თავმჯდომარის სავარძელში, შესაბამისი პასუხისმგებლობა მოეთხოვებათ.

მართლმადიდებლობის საპარლამენტთაშორისო ასამბლეის ფარგლებში რუსი დეპუტატები საქართველოს პარლამენტში იმყოფებიან. ასამბლეის პრეზიდენტი, სერგეი გავრილოვი პარლამენტში, თავმჯდომარის სავარძელში ირაკლი კობახიძის სავარძელში ჩაჯდა.