საპარლამენტო უმრავლესობის ლიდერი, არჩილ თალაკვაძე ამბობს, რომ რუსი დეპუტატების ადგილი საქართველოს პარლამენტში არ არის. თალაკვაძე ამბობს, რომ კონფერენცია დაუყოვნებლივ უნდა შეწყდეს.

"რუსი დეპუტატების ადგილი საქართველოს პარლამენტში არ არის! ეს კონფერენცია დაუყოვნებლივ უნდა შეწყდეს და დუმის წევრებმა პარლამენტი და საქართველო უნდა დატოვონ", — საზოგადაოებრივი მაუწყებლის ინფორმაციით, თქვა თალაკვაძემ.

მართლმადიდებელი საპარლამენტთაშორისო ასამბლეის ფარგლებში რუსი დეპუტატები საქართველოს პარლამენტში იმყოფებიან. ასამბლეის წევრი, სერგეი გავრილოვი პარლამენტში, ირაკლი კობახიძის სავარძელში ჩაჯდა.