ვაშლიჯვარში საცხოვრებელი კორპუსის საყრდენი კედელი ჩამოინგრა. საბურთალოს გამგეობის ინფორმაციით, მიწის მასა გვერდით მდებარე კერძო სახლის ეზოში ჩავიდა, ამიტომ იქ მცხოვრებ 6-სულიან ოჯახს დროებით ქირით გადასვლა შესთავაზეს.

ფოტო: Imedinews.ge

გამგეობაში არკვევენ რომელი კომპანია ასრულებდა კორპუსის სამშენებლო სამუშაოებს და შეაფასა თუ არა სახლის უსაფრთხოება ექსპერტიზის ეროვნულმა ბიურომ. მათ პასუხს მიღებისთანავე შემოგთავაზებთ.