საზოგადოებრივმა მოძრაობამ ერთად სახლში საქართველომ პრეზიდენტის, სალომე ზურაბიშვილის გადადგომის მოთხოვნით კარტოფილების დარიგების აქცია დაიწყო.

ორგანიზატორების თქმით, "ხელისუფლებამ 5 კილო კარტოფილით იყიდა მშიერი ხალხის ხმები", ისინი კი ნებისმიერ მოქალაქეს პრეზიდენტის რეზიდენციასთან უფასოდ, სიმბოლურად, დაურიგებენ კარტოფილს.

მათივე განცხადებით, ისინი თანხებს ემიგრანტების შემოწირულობებიდან იღებენ. აქციის ერთ-ერთი ორგანიზატორის, გიორგი შოთაძის თქმით, იდეა გიორგი სიგუას ეკუთვნის.

"ემიგრანტების შემოწირული თანხებით დაიგეგმა ეს აქცია, სიმბოლურად სალომე ზურაბიშვილის საწინააღმდეგოდ, როგორც კარტოფილით მოსული ხელისუფლებაში. გადავწყვიტეთ, დავარიგოთ კარტოფილი უფასოდ, ყველანაირი დივიდენდების გარეშე და ამით გამოვთქვათ ჩვენი პროტესტი. როგორც დაგვისვეს კარტოფილებით, ისე უნდა წავიდეს ჯერ პრეზიდენტი, მერე მისი მფარველობა და, საბოლოოდ, ბიძინა ივანიშვილი", — გიორგი შოთაძე.

ორგანიზატორები აპირებენ აქცია მომავალშიც გააგრძელონ. მათი პოლიტიკა "ყველა მინუს ერთია" და ისინი სხვა პარტიებსაც მოუწოდებენ შემოუერთდნენ.

ფოტო: სალომე ჩიკვილაძე / On.ge

ფოტო: სალომე ჩიკვილაძე / On.ge

ფოტო: სალომე ჩიკვილაძე / On.ge