ცენტრალური საარჩევნო კომისიის ინფორმაციით, დღეს 9 ივნისს მთაწმინდის არჩევნებზე დაფიქსირდა ისეთი ამომრჩევლების მისვლა, რომლებიც არ არიან პირველი მაჟორიტარული საარჩევნო ოლქის ან კონკრეტული უბნის ამომრჩევლები. მათივე ცნობით, მაგალითად, ერთი შემთხვევა იყო, როდესაც სამგორის ოლქის ამომრჩეველი მივიდა

"საარჩევნო ადმინისტრაცია ყველა ასეთ შემთხვევას გადაამოწმებს და ჩაინიშნავს. მივმართავთ მოქალაქეებს, ხმის მისაცემად მივიდნენ, მხოლოდ ის უფლებამოსილი ამომრჩევლები, რომლებიც 9 ივნისის მეორე ტურის არჩევნებისათვის არიან რეგისტრირებულები", — განაცხადა ცესკოს პრესსპიკერმა.

დღეს, 9 ივნისს მთაწმინდის საარჩევნო ოლქში მეორე ტური ლადო კახაძესა და შალვა შავგულიძეს შორის იმართება. პირველ ტურში ქართული ოცნების კანდიდატმა, ვლადიმერ კახაძემ ხმების 41 პროცენტი (6 036 ხმა) მიიღო, მისმა კონკურენტმა თავისუფალი დემოკრატებისა და ევროპული საქართველოს საერთო კანდიდატმა, შალვა შავგულიძემ — 36,83% (5 422 ხმა).