ოკუპირებული ცხინვალის რეგიონში დღეს, 9 ივნისს დე ფაქტო საპარლამენტო არჩევნები ტარდება.

საარჩევნო უბნები დილის რვა საათზე გაიხსნა და საღამოს რვა საათზე დაიხურება. ოკუპირებულ ტერიტორიაზე 73 საარჩევნო უბანი გაიხსნა, ორი უბანი გაიხსნა ჩრდილოეთ ოსეთში, ერთ-ერთი კი მოსკოვსა და ოკუპირებულ სოხუმში.

ცხინვალის რეგიონის დე ფაქტო საპარლამენტო არჩევნები შერეული მაჟორიტარულ-პროპორციული სისტემით პირველად ტარდება. მანამდე მხოლოდ პროპორციული სისტემით ტარდებოდა.

ოკუპირებული ცხინვალის დე ფაქტო პარლამენტში 34 ადგილია. მანდატების მოსაპოვებლად იბრძვიან დე ფაქტო პრეზიდენტის მმართველი მარტია "ერთიანი ოსეთი". ასევე, პარტია ნიხასი, ხალხის ერთობა, სახალხო პარტია, კომუნისტური პარტია, ერთობა და ა.შ.