იკეამ ცნობილი სერიალების გულშემატკივრებს დიდი საჩუქარი გაუკეთა — კომპანიამ, სადაც ნებისმიერი გემოვნების ადამიანისთვის, ნებისმიერი ტიპის ავეჯისა და სახლის აქსესუარების შეძენაა შესაძლებელი, სიმპსონების, უცნაური ამბებისა და მეგობრების ოთახები გააცოცხლა.

სარეკლამო კამპანიამ სათავე არაბთა გაერთიანებულ საემიროებში დაიწყო, სახელწოდებით "რეალური ცხოვრების სერიები".

"ჩვენ საკულტო სერიალებიდან ცნობილ ოთახებს სიცოცხლე ვაჩუქეთ, სადაც ყველასათვის საყვარელი პერსონაჟების ოჯახები ცხოვრობდნენ. აქ სხვადასხვა ზომისა და სტილის ავეჯია წარმოდგენილი და ეს ყველაფერი ხელმისაწვდომ ფასებში", — ამბობენ იკეას წარმომადგენლები.

იკეას შექმნილი ოთახი სიმპსონების ცნობილი მისაღებისგან თითქმის არაფრით განსხვავდება. აქვეა დიდი სავარძელი, რომელზეც მთელი ოჯახი თავისუფლად მოთავსდება, ტელეფონი, ტელევიზორი, ყვავილი და გადახრილი ნახატიც კი, რომელიც სავარძლის უკან კიდია.

ფოტო: Ikea UAE

ალბათ არ არსებობს ადამიანი, რომელსაც უცნაური ამბების ოთახი და მისი ავეჯი არ მოეწონება — დეკორაცია საახალწლო განათებას, კომფორტულ სავარძლებსა და თაროებს ითავსებს და რაც მთავარია, აქვეა საშობაო ნათურებით გაფორმებული კედელი ვეება ანბანით.

ფოტო: IKEA

მეგობრების ოთახში გაცილებით დიდი სივრცეა, სადაც საკმარისი ადგილია ყავის მაგიდისთვის, სავარძლებისთვისა და ოთახის განათებებისთვის. აქვეა მანქანის ვინტაჟური პოსტერიც.

ფოტო: IKEA

იმისათვის, რომ თქვენი საყვარელი პერსონაჟების მსგავსი ოთახი მოიწყოთ, ავეჯის შესაძენად ამ საიტს ეწვიეთ.