მსოფლიო ტექ-მედიაში ვრცელდება ინფორმაცია, რომ Twitter-ის ხელმძღვანელობა კომპანიის გაყიდვაზე მოლაპარაკებას აწარმოებს. CNBC-ის ცნობით, პროცესში რამდენიმე გიგანტია ჩართული, მათ შორის Google და ქლაუდ სერვისის კომპანია Salesforce.

გავრცელებული ინფორმაციით, ფორმალურ შეთავაზებას ტვიტერის წარმომადგენლები მოკლე ხანში მიიღებენ.

ტვიტერის აქციების ღირებულება ბოლო პერიოდში 20 პროცენტით დაეცა. სოციალური ქსელის მომხმარებელთა რაოდენობის ზრდა და შემოსავალი შემცირდა.

გაყიდვის შესახებ ცნობების გავრცელების შემდეგ, ტვიტერის აქციის ფასმა 5 პროცენტით მოიმატა.

გარიგება სავარაუდოდ წლის ბოლომდე შედგება.