აუდიტორია 115 თსუ-ს რექტორს, გიორგი შარვაშიძეს ხვდება. როგორც სტუდენტური მოძრაობის წევრი, ლევან ლორთქიფანიძე ამბობს, რომ აუდიტორია 115-ის ერთადერთი მოთხოვნაა, განათლების სისტემის ძირეული რეფორმა:

"ჩვენი სურვილია, რომ მათ შეასრულონ თავიანთი სიტყვა. კანონის ცვლილებები და სხვა, რეფორმის ცვლილებები, რაზეც ისინი ცოტა ხნის წინ თანახმა იყვნენ, ის შეასრულონ. არაფერს ზედმეტს, არაფერს განუმეორებელს და გაუგებარს არ ვითხოვთ. სამწუხაროდ, შარვაშიძე იყო ერთ-ერთი პირველი ადამიანი, ვინც აირჩია ჩვენი მოტყუების და გაცურების გზა. გადაწყვიტა, რომ ეს სტუდენტები 15-ნი არიან, ხმას არ ამოიღებენ, მოდი მოვატყუოთ. მოგვატყუეს, მიიღეს ეს პროტესტი. რექტორი სიტყვით ვერ გამოვიდა თავისი უნივერსიტეტის წინ. რექტორი ვერ შეხვდა პირველკურსელებს, ვერ გაესაუბრა საუნივერსიტეტო საზოგადოებას. კიდევ ვინც მოგვატყუებს, ასე მოვექცევით მათაც. ყველაზე ცინიზმი იყო აქ ბატონი ნარმანიას მოსვლა, რომელიც ამ უნივერსიტეტის სტუდენტებს უცენზურო სიტყვებით მოიხსენიებს და ყოფნის სინდისი, რომ აქ მოვიდეს".

დღეს საზეიმო მიღება, რომელსაც მინისტრები, თბილისის მერი და თსუ-ს ხელმძღვანელები პირველკურსელთათვის თბილისის სახელმწიფო უნივერსიტეტში მართავდნენ, აუდიტორია 115-მა ჩაშალა.