პარლამენტში ინტერპელაციის ფორმატით მისულმა პრემიერ-მინისტრმა, მამუკა ბახტაძემ საპენსიო რეფორმის შესახებ დეპუტატების კითხვებს უპასუხა. მან განაცხადა, რომ ყველა ქვეყანამ, რომელსაც ჯანსაღი ეკონომიკა აქვს მსგავსი რეფორმები გააატარა. მისი თქმით, ამ ქვეყნებმა "ღირსეულ პენსიას" სწორედ ფონდებით მიაღწიეს.

"ჩვენ ახალი ველოსიპედი არ გამოგვიგონია და ეს არის ერთადერთი სწორი გზა იმისთვის, რომ მოქალაქეებს უზრუნველვყოთ ღირსეული პენსია მომავალში", — განაცხადა პრემიერმა.

პარლამენტის ტრიბუნიდან ბახტაძემ ოპონენტებსაც მიმართა და განაცხადა, რომ საპენსიო რეფორმა 15 წლის წინ რომ დაეწყოთ, ახლა პენსია ორჯერ მეტი იქნებოდა და მწვავე საკითხებიც არ გაჩნდებოდა.