კანის კინოფესტივალზე რეჟისორთა ორკვირეულის სექციაში ქართული ფილმი და ჩვენ ვიცეკვეთ 23 შერჩეულ ფილმს შორის იყო. ბრიტანულმა ჟურნალმა, Little White Lies კი სექციიდან ის მეორე საუკეთესო ფილმად დაასახელა.

ჟურნალი, რომელიც სპეციფიკური და ნიშური კონტენტით გამოირჩევა, ერთ-ერთი მთავარი როლის შემსრულებელს, ლევან გელბახიანს, ამერიკელ მსახიობს ტიმოთი შალამეს ამსგავსებს.

"ეს შთამბეჭდავი ლგბტ დრამა კონსერვატიულ სივრცეში, ქართული ცეკვის კურსზე ვითარდება. ესაა Call Me by Your Name-ის 2019 წლის დუბლირებული პასუხი. მის მთავარ პერსონაჟს, მერაბს, ლევან გელბახიანი ანსახიერებს. მის და ტიმოთი შალამეს შესრულებული ელიოს შორის განსაცვიფრებელი მსგავსებაა. ახალგაზრდა მსახიობები ფილმს გადამდები მხიარულებით ავსებენ, რომლებიც არ ემორჩილებიან სექსუალური რეპრესიის მტკივნეულ ვითარებას", — ვკითხულობთ სტატიაში.

ლევან აკინის მიერ გადაღებულ სურათში მთავარ როლებს ქართველი მსახიობები ლევან გელბახიანი, ანა ჯავახიშვილი, გიორგი წერეთელი, თამარ ბუხნიკაშვილი, ბაჩი ვალიშვილი და მარიკა გოგიჩაიშვილი ასრულებენ.

ამავე თემაზე: