საქართველოს მესამე პრეზიდენტის, მიხეილ სააკაშვილის თქმით, მთაწმინდის მაჟორიტარული არჩევნების მეორე ტურში შალვა შავგულიძეს მხარს უჭერს.

"რა თქმა უნდა, მხარს ვუჭერთ შავგულიძეს მთაწმინდაზე და ბოლომდე უნდა ვიბრძოლოთ იქაც. მაგრამ ახლა მთავარია, ჩვენ რას ვეტყვით ჩვენ ხალხს. ხალხი ითხოვს შველას, დახსნას, ხალხი ითხოვს ორგანიზებას და არგაჩერებას. ხელების ჩამოშვებაზე და დანებებაზე საერთოდ აღარ ვლაპარაკობ", — განაცხადა სააკაშვილმა ვიდეომიმართვისას.

მისივე თქმით, სანდრა რულოვსი მალე დაიწყებს საქართველოში ხალხის ორგანიზებას, რათა "გადამწყვეტ მომენტში შუშის სასახლესთან მიიყვანონ".

მთაწმინდის მაჟორიტარულ არჩევნებში მეორე ტურში გადავიდა ქართული ოცნების კანდიდატი, ვლადიმერ კახაძე (41%) და თავისუფალი დემოკრატებისა და ევროპული საქართველოს საერთო კანდიდატი, შალვა შავგულიძე (36,83%).