presa.ge-ს დამფუძნეებელი, გიორგი კაპანაძე, რომელიც წვრილმანის ხულიგნობის ბრალდებით დააკავეს, უკვე თავისუფალია. კაპანაძემ TV პირველს განუცხადა, რომ ის გამოუშვეს, რადგან მისი დაკავების საფუძველი არ არსებობდა.

გიორგი კაპანაძეს ადმინისტრაციულ სამართალდარღვევათა კოდექსის 166-ე და 173-ე მუხლების დარღვევას ედავებიან, რაც წვრილმან ხულიგნობასა და პოლიციის კანონიერი მოთხოვნისადმი დაუმორჩილებლობას გულისხმობს. გიორგი კაპანაძე ფოთის იზოლატორში იყო გადაყვანილი.

აიტივის ჟურნალისტი ყვება, რომ დაპირისპირება არ ყოფილა, გიორგი კაპანაძე თან ახლდა გადამღებ ჯგუფს, რომელიც არკვევდა რა მიზანს ემსახურებოდა პოლიციის ასეთი მობილიზება. ის განმარტების გარეშე დააკავეს.