სახელმწიფო უსაფრთხოების სამსახურის განცხადებით, ანტიკორუფციულმა სააგენტომ ყალბი ფულის დამზადებისა და გასაღების ბრალდებით ორი პირი დააკავა

სუს-ის ცნობით, გამოძიებამ დაადგინა, რომ 2016 წლის სექტემბრში ერთ-ერთმა პირმა, მეორესთან წინასწარი შეთანხმებით დაამზადა და გაასაღა 300 ცალი ყალბი 100-ლარიანი კუპიურა. მანვე დაამზადა და მიმდინარე წლის 17 სექტემბერს უკანონოდ გაასაღა 2000 ლარის ოდენობის ყალბი 50 და 100-ლარიანი კუპიურები.

სუს-ის მტკიცებით, 2016 წლის 22 სექტემბერს დაკავებულმა უკანონოდ დაამზადა და გაასაღა 7000 ლარის ოდენობის ყალბი 50 ლარიანი და 100-ლარიანი კუპიურები.

გამოძიება წინასწარი შეთანხმებით ჯგუფის მიერ ყალბი ფულის დამზადება-გასაღების ფაქტზე მიმდინარეობს, რაც 7-დან 10 წლამდე ვადით თავისუფლების აღკვეთას ითვალისწინებს.