A თუ B-ს ნათესავია, B კი C-ს , A და C-ც ნათესავები გამოდიან — ზუგდიდის საოლქო კომისიის თავმჯდომარე თამარ ჟვანიაზე
"ყველა ერთამენთის ნათესავია ბატონებო და ქალბატონებო. A თუ B-ს ნათესავია, B თუ C-ს ნათესავია, ამ შემთხვევაში A და C ნათესავები გამოდიან. მე ამ ეტაპზე თქვენი ნათესავიც ვარ", — ასე უპასუხა ზუგდიდის საოლქო საარჩევნო კომისიის თავმჯდომარე მირანდა მესხმა ჟურნალისტების კითხვას ცენტრალური საარჩევნო კომისიის თავმჯდომარე თამარ ჟვანიასთან ნათესაობის შესახებ.
ჟურნალისტებმა იკითხეს, აცნობა თუ არა მესხმა ჟვანიას იმის შესახებ, რომ ოპოზიცია მის გადადგომას ითხოვს. მესხმა აღნიშნა, რომ ამ საკითხზე კომენტარს არ გააკეთებს, რადგან "ამ ეტაპზე საინტერესო თემა არ არის".
მესხმა აღნიშნა, რომ გადადგომას არ აპირებს, რადგან ეს არ არის საარჩევნო სუბიექტის წარმომადგენლების მოთხოვნა. მისი თქმით, გადადგომას ითხოვს მხარე ზეპირსიტყვიერად და ოფიციალური განცხადება არ დაფიქსირებულა.
მირანდა მესხის გადადგომას ნაციონალური მოძრაობის წევრები ითხოვენ. ენმ-ს პროტესტი გამოიწვია საარჩევნო სიებისა და ბეჭდების უბნებზე 5 დღით ადრე დარიგებამ. მათ საპროტესტო აქცია გამართეს და მესხის გადადგომასთან ერთად მოითხოვეს ცესკოს უკან წაეღო და შეეცვალა აღნიშნული სიები და ბეჭდები.
ცესკოში ბრალდებების პასუხად განმარტეს, რომ ზუგდიდის ოლქში უბნების რაოდენობის მიხედვით დოკუმენტაციის გადაცემა რამდენიმე დღეზეა განაწილებული. მათი თქმით, ეს პროცესი ასეთ სახეს ატარებს ყოველი არჩევნების დროს, არა მხოლოდ ზუგდიდში, არამედ სხვა საარჩევნო ოლქებშიც.
ცესკოს განმარტებით, კანონის შესაბამისად, სიების საბოლოო ვერსიის (მათ შორის სამაგიდო ვერსიის) გადაცემა უნდა მოხდეს კენჭისყრის დღემდე არაუგვიანეს მეორე დღისა ( ანუ, ამ შემთხვევაში 17 მაისამდე). თუმცა, მათივე თქმით, რადგან საკითხი "სპეკულაციის საგანი" გახდა მიიღეს გადაწყვეტილება სამაგიდო სიები და ბეჭდები უკან, საოლქო კომისიაში დააბრუნონ და მოგვიანებით, ბიულეტენებთან ერთად გადასცენ უბნებს.
მიუხედავად ამისა საარჩევნო ინვენტარისა და მირანდა მესხის გადადგომი საკითხი დღესაც დაპირისპირების მიზეზი გახდა. საოლქო საარჩევნო კომისიის სხდომა ხმაურის ფონზე წარიმართა.
ერთიანი ნაციონალური მოძრაობის წევრები ამბობდნენ, რომ აქვთ ფოტო და ვიდეო მასალა, რომელიც ამტკიცებს, რომ საარჩევნო ინვენტარი კანონის დარღვევით ინახებოდა. ისინი ფოტომასალის ჩვენების საშუალებას ითხოვდნენ რისი უფლებაც, მათი თქმით, კომისიის თავმჯდომარემ არ მისცა. მათივე თქმით, ასევე, სურდათ მირანდა მესხის გადადგომის განხილვა და მან ამის უფლებაც არ მისცა.
რუსთავი 2-ის გავრცელებულ კადრებში ჩანს, რომ ერთი პირი ნაციონალური მოძრაობის წარმომადგენლებს სიტყვიერ შეურაცხყოფას აყენებს. დაცვამ მას ტერიტორია დაატოვებინა. შინაგან საქმეთა სამინისტროში On.ge-ს განუცხადეს, რომ ის ადმინისტრაციულ სამართალდარღვევათა კოდექსის 166 მუხლით დააკავეს, რაც წვრილმან ხულიგნობას გულისხმობს.
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
-
-
-
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
-
-
-
კომენტარები