ანჯელინა ჯოლის ფანებს დიდი ხანია სურთ საყვარელი მსახიობის დიდ ეკრანზე კიდევ ერთხელ ხილვა, რაც სულ მალე, 2019 წლის შემოდგომაზე შეეძლებათ.

დისნეიმ მალეფისენტის მეორე ნაწილის, Maleficent: Mistress of Evil, პირველი ტიზერ-ტრეილერი გამოაქვეყნა, სადაც ანჯელინა ჯოლისა და მიშელ პფაიფერის გმირების დაპირისპირებას ვხედავთ.

ვეება ფრთიანი ჯადოქარი მეფესთა აუდიენციაზეა, სადაც მას დედოფალი ინგრიდი (მიშელ პფაიფერი) ესაუბრება:

— დარწმუნებული ვარ, თქვენი უკეთილშობილესობა დაგვეთანხმება.
— უკეთ რომ არ ვიცოდე, ვიფიქრებდი, რომ გვემუქრები.
— და მერე?
— რა მერე?
— უკეთ იცი?

ფილმის ერთ-ერთი მთავარი მსახიობი კვლავ ელ ფენინგია. შეიცვალა პრინცის როლის შემსრულებელი და ბრენტონ ტუეიტესის ნაცვლად ამჯერად ამ პერსონაჟს ჰარის დიკინსონი ანსახიერებს.

დისნეის ერთ-ერთი ყველაზე მაღალშემოსავლიანი ფილმი ეკრანებზე 18 ოქტომბერს გამოვა.