თბილისის მერიის მუნიციპალურმა ინსპექციამ დაიწყო შესწავლა ვინ გააკრა 12 მაისს თბილისის ცენტრალურ უბნებში საპროტესტო წარწერები. უწყება განმარტავს, რომ ამ ეტაპზე სამართალდამრღვევი პირის იდენტიფიცირება ვერ მოხდა.

მათი ინფორმაციით, ქალაქში გაკრული საპროტესტო წარწერები იმავე დღეს ჩამოხსნეს. მათივე განმარტებით, მათი გაკვრის შესახებ ნებართვა არ გაუციათ.

მოქმედი კანონმდებლობით, ქალაქში მსგავსი წარწერების გასაკრავად მუნიციპალიტეტის ნებართვაა საჭირო.

12 მაისს კლუბებში სპეცოპერაციის ჩატარებიდან ერთი წლისთავზე თბილისის ქუჩებში წარწერები გამოჩნდა, რომელის მიზანიც არსებული რეალობის ასახვა იყო.

განახლება: თავდაპირველად მასალაში აღნიშნული იყო, რომ სამართალდამრღვევი პირის გამოვლენის შემთხვევაში ოქმი სასამართლოს გადაეგზავნებოდა. ზედამხედველობის სამსახურში განმარტეს, რომ სანქციის დაკისრებისთვის სასამართლოს განჩინება არ არის საჭირო.