სტივენ კინგის It-ის სექუელის მეორე ნაწილი იმაზე საშიში ჩანს, ვიდრე ის, რომელიც 2017 წელს ვნახეთ.

ფილმის პირველ ტრეილერში უკვე ვხედავთ ჯესიკა ჩესტეინს, რომელიც გაზრდილი ბევერლის ვერსიას თამაშობს. თუმცა, ბოროტი პენივაიზი მას ახლაც ისევე ატერორებს, როგორც ბავშვობაში.

სტივენ კინგის It-ის მეორე ნაწილის გადაღებები 2018 წლის ზაფხულში დაიწყო. კინგის წიგნის მიხედვით, სკოლის მოსწავლეთა გუნდი ჯერ ბავშვობაში, შემდეგ კი დიდობაში ცდილობს პატარა ქალაქის დემონის, კლოუნის სახელად პენივაიზის, განადგურებას. It-ის მეორე ნაწილში პერსონაჟები თავისი ბავშვობის სცენებს ხშირად გაიხსენებენ, ასე რომ პირველი ნაწილის მსახიობების ნახვის შანსი მაყურებელს ახალ ფილმშიც ექნება.

ლუზერების კლუბში ჯესიკა ჩესტეინის გარდა არიან ჯეიმს მაკევოი (ბილი), ბილ ჰეიდერი (რიჩი), აისიაჰ მუსტაფა (მაიკი), ჯეიმს რანსონი (ედი) და ენდი ბინი (სტენლი). ფილმის პრემიერა 2019 წლის 6 სექტემბერს შედგება.

უცვლელი რჩება ბოროტი კლოუნის როლის შემსრულებელი - საზარელი პენივაიზის როლს კვლავ ბილ სკარსგარდი მოირგებს.

It-ის მეორე ნაწილი Warner Bros.-მა გადაიღო. ისევე როგორც წინა ნაწილში, ფილმის რეჟისორი კვლავ ენდი მუსკეტია, სატელევიზიო სცენარი კი გარი დობერმანმა დაწერა. პირველმა ფილმმა საშინელებათა ჟანრის ფილმებში რეკორდული მოგება, 700 მილიონ დოლარზე მეტი მოიტანა.

It-ის სულ პირველი ეკრანიზაცია 1990 წლის 18 ნოემბერს გამოვიდა.