თურქეთის პრეზიდენტი რეჯეპ ტაიპ ერდოღანი სტამბოლში მერის არჩევნების შედეგების გაუქმებასა და განმეორებითი არჩევნების ჩატარებას მიესალმება და მას "საუკეთესო ნაბიჯი" უწოდა. ერდოღანმა აღნიშნა, რომ ხმის მიცემის დროს სერიოზული კორუფცია და დარღვევები დაფიქსირდა.

თურქეთის ცენტრალურმა საარჩევნო კომისიამ სტამბოლის მერის არჩევნების შედეგები 6 მაისს გააუქმა. კომისიის გადაწყვეტილებით, ხელახალი არჩევნები 23 ივნისს ჩატარდება.

ქვეყნის მმართველმა პარტიამ 31 მარტს ჩატარებული ადგილობრივი არჩევნების გაუქმების მოთხოვნით ცენტრალურ საარჩევნო კომისიას მიმართა. პარტიის საჩივარში აღნიშნული იყო, რომ 40 ათას ადამიანს ხმის მიცემის უფლება არ ჰქონდა. კომისიის უმრავლესობამ, შვიდმა წევრმა სარჩელს მხარი დაუჭირა, ოთხი წინააღმდეგი იყო.

სტამბოლის მერის ადგილობრივ არჩევნებში ოპოზიციონერმა კანდიდატმა, ეკრემ იმამგლუმ გაიმარჯვა. ოპოზიციონერმა კანდიდატმა გაიმარჯვა თურქეთის დედაქალაქ ანკარაშიც. თურქეთის ადგილობრივი არჩევნები 31 მარტს გაიმართა.