საქართველოს პარლამენტის წევრები გია ჟორჟოლიანი და ბექა ნაცვლიშვილი შრომის საერთაშორისო დღის, პირველი მაისის უქმედ გამოცხადებას ითხოვს.

დეპუტატების აზრით, აღნიშნული გადაწყვეტილება იქნება გამოხატულება სახელმწიფოს მხრიდან შრომის და მშრომელი ადამიანების პატივისცემისა. ამავდროულად, ეს წარმოადგენს აღიარებას შრომის, როგორც საზოგადოების და ქვეყნის განვითარების ძირითადი ინსტრუმენტის.

მათივე პოზიციით, ევროპული ქვეყნების უმეტესობაში 1 მაისი უქმე დღედაა გამოცხადებული.

ნიდერლანდების და დანიის გარდა პირველი მაისი ყველა ევროპულ ქვეყანაში უქმე დღეა. ქვეყნების უმეტესობა აღნიშნავს შრომის დღეს, თუმცა კვიპროსი, სლოვენია, მონტენეგრო, ჩეხეთი, სერბეთი ფინეთი და ირლანდია აღნიშნავენ გაზაფხულის დადგომას.