მას შემდეგ, რაც ბრედ პიტისა და ანჯელინა ჯოლის განქორწინების შესახებ გახდა ცნობილი, მედია არც ერთ წამს არ კარგავს, რომ ახალ-ახალი ინფორმაცია არ გააჟღეროს.

მაგალითად, ცოტა ხნის წინ Page six-მა გაავრცელა ცნობა, რომ ენჯიმ დეტექტივი დაიქირავა, რადგან ბრედის ღალატის შესახებ ეჭვობდა. თან არც მეტი, არც ნაკლები იცოდა, რომ მათ ქორწინებას საფრთხეს ოსკაროსანი ფრანგი მსახიობი, მარიონ კოტიარი უქმნიდა, რომელთან ერთადაც პიტი ფილმში მოკავშირეები თამაშობს.

ფილმის პრემიერა 23 ნოემბერსაა დაგეგმილი და სიუჟეტით ძალიან ჰგავს მისტერ და მისის სმიტებს.

თუმცა გამოცემა ანონიმურ წყაროზე დაყრდნობით ავრცელებს ცნობას, რომლის მიხედვითაც მარიონ კოტიარი ბრედ პიტთან რომანს უარყოფს.

"მას ჰყავს პარტნიორი, გიომ კანე. ისინი ერთად ზრდიან არაჩვეულებრივ ბიჭ მარსელს", ამბობს კოტიართან დაახლოებული პირი კომენტარში.

გამომცემლობა Mirror წერს, რომ კოტიარი მეორე ბავშვს ელოდება. "მთელმა საფრანგეთმა იცის რომ მარიონი მეორე ბავშვზეა ორსულად, ის არაჩვეულებრივად გამოიყურება", ამბობს mirror-ის წყარო და დასძენს, რომ ის გიომთან ბედნიერია და მის მიტოვებას არ აპირებს.