საქართველოს პრეზიდენტის ადმინისტრაციის პრესსპიკერი ხატია მოისწრაფიშვილი არ გამორიცხავს, რომ სალომე ზურაბიშვილის ტვიტერის ანგარიშზე კიბერშეტევა განხორციელდა. ამის შესახებ მოისწრაფიშვილა ბრიფინგზე განაცხადა.

მისი განცხადებით, პირველადი შეფასებით, გაირკვა, რომ ტრამპის ტვიტერის გაზიარება სოციალური ქსელების მართვის მენეჯერის ტექნიკური შეცდომა იყო.

"უკვე არაერთხელ განვაცხადე, რომ ადგილი ჰქონდა ტექნიკურ შეცდომა, რომელიც დაუშვა სოციალური ქსელების მართვის მეენეჯრემა. ეს იყო პირველადი შეფასება, არ შეიძლება კიბერთავდასხმის გამორიცხვა და ვფიქრობთ, საჭიროა საკითხის მოკვლევა",— განაცხადა მოისწრაფიშვილმა.

მისივე თქმით, პირველი ფაქტი არ არის, როცა "კიბერშეტევა ხორციელდება პრეზიდენტის სოციალური ქსელის ანგარიშებზეც, რაზეც ასევე მოკვლევა მიმდინარეობს".

საქართველოს პრეზიდენტის, სალომე ზურაბიშვილის ოფიციალურმა ანგარიშმა ტვიტერზე 29 აპრილს გააზიარა აშშ-ის პრეზიდენტის, დონალდ ტრამპის პოსტი, სადაც იგი აშშ-ის ყოფილ ვიცეპრეზიდენტ ჯო ბაიდენს, — რომელიც ახლახანს ჩაება საპრეზიდენტო არჩევნებისთვის ბრძოლაში — "მძინარას" უწოდებს. მოგვიანებით პოსტი წაიშალა და პრეზიდენტის ადმინისტრაციაში განმარტეს, რომ სოციალური მედიის მენეჯერს შეეშალა.