პარლამენტის თავმჯდომარე, ირაკლი კობახიძე დარწმუნებულია, რომ საქართველოს გართულებები არ ექნება და ვიზალიბერალიზაციას შეინარჩუნებს.

"კონკრეტული ვალდებულებები გვაქვს, რომელიც ამ მიღწევიდან გამომდინარეობს და შესაბამისად, მაქსიმალურად ვცდილობთ, რომ შესაბამისი ვალდებულებები შევასრულოთ. პარლამენტი ამ ყველაფერში აქტიურად არის ჩართული. მივიღეთ შესაბამისი კანონპროექტების პაკეტიც იმისთვის, რომ პრობლემები თავიდან მაქსიმალურად აგვერიდებინა. გვაქვს ასევე, მუდმივი კომუნიკაცია ჩვენს კოლეგებთან", — აღნიშნა პარლამენტის თავმჯდომარემ.

24 აპრილს იუსტიციის მინისტრმა, თეა წულუკიანმა განაცხადა, რომ ევროკავშრთან უვიზო რეჟიმის შენარჩუნებას ბოლო დროს განსაკუთრებული სიძნელეები შეექმნა:

"ეს [სიძნელეები] არის რეალობა და ჩვენი პარტნიორები ევროპიდან საუბრობენ უკვე იმაზე, რომ ჩვენი მოქალაქეები — ზოგიერთი მათგანი — ბოროტად იყენებენ უვიზო მიმოსვლის მექანიზმს და გარკვეული ცვლილებები იქნება საჭირო, რათა უვიზო რეჟიმით ისარგებლონ მათ, ვინც კეთილსინდისიერად მიემგზავრება შენგენის სივრცეში და ვინც შემდგომ ბრუნდება".