პრეზიდენტის პრესსპიკერი, ეკა მიშველაძე საკონსტიტუციო სასამართლოს წევრად თეიმურაზ ტუღუშის არჩევას ეხმაურება და განმარტავს, რომ გიორგი მარგველაშვილი კონკრეტულ მოსამართლეებს ვერ შეაფასებს, საკონსტიტუციო სასამართლოს ახალმა მოსამართლეებმა არ უნდა გააღრმავონ და გააჩინონ შეკითხვები სასამართლო სისტემის მიმართ:

"ცალკეულ კანდიდატურებს ჩვენ ვერ შევაფასებთ. თუმცა, მინდა გითხრათ, რომ პრეზიდენტმაც დაასახელა მოსამართლეები საკონსტიტუციო სასამართლოს მოსამართლეებად. მის მიერ დასახელებული მოსამართლეები სარგებლობენ საზოგადოებაში ძალიან მაღალი ნდობის ხარისხით. სასურველია, რომ სასამართლოსა და პარლამენტის მიერ დასახელებული კანდიდატები ასევე იყვნენ საზოგადოებაში ძალიან მაღალი ნდობის მატარებლები, რაც სასამართლოს მიმართ ავტორიტეტის ამაღლებას შეუწყობს ხელს. წინააღმდეგ შემთხვევაში, ჩვენ ვთვლით, რომ ის ნეგატიური განწყობა, რომელიც ზოგადად არის სასამართლო სისტემის მიმართ საზოგადოებაში, შესაძლოა კიდევ უფრო გაღრმავდეს".

დღეს უზენაესმა სასამართლომ საკონსტიტუციოს მოსამართლედ თეიმურაზ ტუღუში აირჩია. უზენაესი სასამართლოს 15-წევრიანი პლენუმისთვის მხოლოდ მისი კანდიდატურა იყო წარდგენილი.