ენმ-ს წევრი, მარიამ მირიანაშვილი აცხადებს, რომ პარტია, გამარჯვების შემთხვევაში, საატესტატო და ეროვნული გამოცდების "ლოგიკურ შერწყმას" გეგმავს. ამასთან ის ყოველწლიურად სახელმწიფოს მიერ საგრანტო პროგრამებით დაფინანსებული სტუდენტებს რაოდენობას 5 ათასით გაზრდას აპირებს:

"ის უნივერსიტეტები, რომლებიც გამოთქვამენ სურვილს, ექნებათ სამწლიანი ბაკალავრიატი და ერთწლიანი მაგისტრატურა. 3+1 იქნება ალტერნატივა და რომელ უნივერსიტეტიც მოინდომებს, ამას განახორციელებს, რისთვისაც ავტორიზაციისა და აკრედიტაციის განსხვავებული სისტემის გავლა მოუწევს”.

ჩვენთან საუბარში, მან წინა ხელისუფლების დროს სტუდენტური თვითმმართველობების შექმნასთან დაკავშირებული გადაწყვეტილების მიღება გაიხსენა და განმარტა, რომ ახლა ამ ინსტიტუციამ, ალბათ, მანკიერი სახე მიიღო:

"ის მორგებული უნდა იყოს არსებულ მოთხოვნებს, სტუდენტების მართვის და ჩართულობის ხარისხს უნივერსიტეტის ცხოვრებაში და რა ერქმევა მას, არ აქვს მნიშვნელობა”.

მისი თქმით, უმაღლეს სასწავლებლებში სტუდენტების მიღების დროს ადგილების პრობლემა იჩენს ხოლმე თავს, რადგან სახელმწიფო არ ახორციელებს კვლევას, რომელიც შრომის ბაზართან კორელაციაში იქნება:

“ამიტომ თავისთავად ბოლოს იქმნება დასაქმების პრობლემა. ანუ გვყავს გარკვეული რაოდენობის პროფესიის ადამიანები და არ არის სამუშაო ადგილები. ამასთან, 2011 წელს სტაჟირების შემოღებული პროგრამა, რომელიც ახლა გაჩერებულია, გაგრძელდება”.

ვრცლად პოლიტიკური სუბიექტების საარჩევნო პროგრამების შესახებ ინფორმაცია შეგიძლიათ იხილოთ აქ:

პარტიების დაპირებები და ხედვა განათლების სისტემის შესაცვლელად