"მაშინ, როდესაც დამოუკიდებელი და მიუკერძოებელი სარედაქციო პოლიტიკა გაქვს, საქართველოში ყველაფერია მოსალოდნელი", — ამის შესახებ აჭარის ტელევიზიის გადაყენებულმა დირექტორმა, ნათია კაპანაძემ თავის იმპიჩმენტთან დაკავშირებით განაცხადა. მრჩეველთა საბჭომ უნდობლობა მას დღეს გამოუცხადა.

კაპანაძე ამბობს, რომ პროცესი შემთხვევითი არ იყო. მისი მტკიცებით, შედეგიდან გამომდინარე ნათელი გახდა, რომ ადამიანებს აჭარის ტელევიზიის დამოუკიდებლობა არ სურთ.

"მე მომიწევს, რომ კიდევ ერთი პროცესი ვაწარმოო დირექტორის იმპიჩმენტისგან დაცვის. ეს უკვე მესამე შემთხვევაა, ამ შემთხვევაში უკვე საკუთარ თავს დავიცავ", — თქვა კაპანაძემ.

აჭარის ტელევიზიის გენერალურ დირექტორს, ნათია კაპანაძეს მრჩეველთა საბჭომ იმპიჩმენტი გამოუცხადა. მომხრე ოთხი მრჩეველი იყო, წინააღმდეგი — ერთი. სავარაუდოდ, გადაყენებას მხარი არ დაუჭირა ბეჟან გობაძემ. ნათია კაპანაძე გადაწყვეტილებას სასამართლოში გაასაჩივრეს.