საარჩევნო ბლოკის პლატფორმა პაატა ბურჭულაძე - სახელმწიფო ხალხისთვის პარტიული სიის მეექვსე ნომერმა იაგო ხვიჩიამ რუსთავი 2-ის ეთერში განაცხადა, რომ პარტიები უნდა გაერთიანდნენ, რათა ოკუპირებულ ტერიტორიებთან ახლოს მცხოვრები მოსახლეობა დაიცვან ოკუპანტებისგან:

"ქართველი ხალხი არ უნდა დავტოვოთ ოკუპანტებთან ერთი ერთზე მარტო, უნდა იყვნენ დამკვირვებლები და უნდა გამოვიყენოთ ყველა რესურსები, რომლებიც დასავლურად განწყობილ პარტიებს აქვთ. ყველა ნორმალური პოლიტიკური ძალა უნდა გავერთიანდეთ, რომ ამ ხალხის უფლებები იყოს დაცული".

იაგო ხვიჩიამ განაცხადა, რომ პარტია გირჩის ერთ-ერთმა ლიდერმა ზურაბ ჯაფარიძემ გიგა ოთხოზორიას მკვლელობის კადრები გადასცა ჯონ მაკკეინს:

"ეს იმას ნიშნავს, რომ ამერიკაში ჩვენს ერთ მეგობარს ამ ინფორმაციაზე ხელი მიუწვდება".