შინაგან საქმეთა სამინისტროს ინფორმაციით, ნარკოტიკების უკანონო შეძენა-შენახვისა და გასაღების ბრალდებით გორში 1 პირი დააკავეს. უწყების განცხადებით, ბრალდებულის მიმართ მიმდინარეობდა ფარული აუდიო-ვიდეო ჩაწერა, რა დროსაც მან მოქალაქეს $ 3 500-ის სანაცვლოდ 10 შეკვრად დაფასოებული, სავარაუდოდ, ნარკოტიკული საშუალება მიყიდა.

მათი თქმით, დაკავებულის პირადი, დაკავების ადგილისა და საცხოვრებელი ბინის ჩხრეკისას, ნივთმტკიცებად ამოიღეს ფული და სეიფში მოთავსებული ნარკოტიკული საშუალებები, რომლებზეც დანიშნულია შესაბამისი ექსპერტიზები.

საქმეზე გამოძიება საქართველოს სისხლის სამართლის კოდექსის 260-ე მუხლის მე-4 ნაწილით მიმდინარეობს, რაც ნარკოტიკული საშუალების უკანონო შეძენა-შენახვა-გასაღებას გულისხმობს. დანაშაული 6-დან 11 წლამდე ვადით თავისუფლების აღკვეთას ითვალისწინებს.