კაპანაძე: საფრთხე ექმნება სარედაქციო დამოუკიდებლობას და მაუწყებლის გამართულ მუშაობას
![](http://rachel.on.ge/2019/04/12/42897567_1110275592430958_3851319108721180672_o_5cb08c51e802c.jpg)
ფოტო: ნათია კაპანაძე / FB
აჭარის საზოგადოებრივი მაუწყებლის ტელევიზიისა და რადიოს დირექტორი ნათია კაპანაძე, რომლის იმპიჩმენტსაც მრჩეველთა საბჭოს ორი წევრი ითხოვს , აცხადებს, რომ მიმდინარე პროცესებით საფრთხე ექმნება სარედაქციო დამოუკიდებლობას.
"ცხადია, საფრთხე ექმნება იმას, რომ აჭარის მაუწყებელმა ვერ იმუშაოს გამართულად და ჩვეულ რეჟიმში. მაშინ, როდესაც ნებისმიერი საკითხი, რომელსაც თუნდაც აღნიშნულ განცხადებებში ვკითხულობთ შეიძლება გავლილი ყოფილიყო კიდევ ერთხელ", — განაცხადა კაპანაძემ TV პირველის ეთერში.
კაპანაძე ამბობს, რომ მსგავსი სამუშაო პროცესი არ უნდა იწვევდეს ორგანზიაციის რყევებს. მისი თქმით, მაუწყებელი პრიორიტეტებს კარგად ასრულებს.
"თუ ჩვენ ვისაუბრებთ პრიორიტეტების შესრულებაზე, უნდა ვთქვათ ისიც, როგორია საზოგადოებრივი მაუწყებლის ნდობა დღეს საზოგადოებაში და რა მრავალფეროვან პროდუქტს სთავაზობს დღეს მაყურებელს აჭარის ტელევიზია", — აღნიშნა კაპანაძემ.
სარედაქციო დამოუკიდებლობის საფრთხეზე საუბრობს აჭარის ტელევიზიაც. მაუწყებლის გავრცელებულ განცხადებაში აღნიშნულია, რომ მიმდინარე პროცესები უპირისპირდება სარედაქციო დამოუკიდებლობას და მთლიანად საზოგადოებრივი მაუწყებლის იდეას.
კაპანაძის იმპიჩმენტის მოთხოვნა
ნათია კაპანაძის იმპიჩმენტი მრჩეველთა საბჭოს ორმა წევრმა მოითხოვა. მათ შორისაა ირაკლი დარცმელიძე, რომელიც ნაციონალური მოძრაობის კვოტით არის წარდგენილი და გიგა ჩხარტიშვილი, რომელიც ქართული ოცნების კვოტითაა საბჭოში.
საბჭოს თავმჯდომარემ ნატა იმედაიშვილმა On.ge-ს უთხრა, საბჭოს წევრებს პრეტენზიები აქვთ პრიორიტეტების შეუსრულებლობაზე, ხელფასების პრობლემასა და თანამშრომლის სამსახურიდან გათავისუფლებაზე. მისი თქმით, დოკუმენტს არ გაცნობია და პოზიციას ვერ დააფიქსირებს, თუმცა კაპანაძის დირექტორობის პერიოდში არსებული პრობლემების განხილვისას თავადაც იგივე საკითხებს ასახელებს.
კაპანაძის იმპიჩმენტის ინიაციტივად არასამთავრობო ორგანიზაციები მკვეთრად უარყოფითად აფასებენ. ნათია კაპანაძეს მხარი დაუჭირა საქართველოს სახალხო დამცველმაც.
ამავე თემაზე:
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები